Qrańǵy tún, qaharly aıaz qysqan shaq, 
qam-qaıǵysyz oınap otyr úsh tompaq... 
Tym jupyny aıadaı-aq úı ishi, 
Besiktegi nársteniń ketip qalǵan kúıisi. 
Eresekteý bireýi ony terbetedi "áldılep", 
Shyqty kenet pesh mańynan kúıgen kıiz ıisi...

Qarasha úıdi qara túnde ot jutty, 
Qyzyl jalyn toqtar túri joq tipti. 
Bes sábıdiń baldan tátti denesi, 
Ajal - órtpen arpalysqan elesi.
Keter emes, qalaı ketsin kókeıden, 
Aý, bizdiń el órtke oranyp eseıgen.

Túngi jumys ketti áke, ketti ana, 
Qý molada qaldy qaıran bes bala!
Janyp ketti bes aq kúndik jalǵan-aı, 
Jan baǵys dep jalmań qaqqan arman-aı... 
Jer sharynyń keń baıtaǵyn bassa da, 
Bes sharshy jer buırmaǵan qarǵam-aı!
Bes bala dep bes myń teńge izdegen, 
Erteńinen eshbir úmit úzbegen. 
Qaıran seniń sol úmitiń kúl bolǵan, 
Buldirshinder aınalaıyn búr jarǵan. ...

Ádilet Ahmet